صاغة أون لاين

السلام عليكم و رحمة الله و بركاته
يارب الجميع يكون بخير و سعادة
من كام يوم كنت بغير واشتري دهب لزوجتي وبناتي وبعد الوقوف أمام محل الذهب خرج عامل فى المحل ليحينى ويدعونى للدخول وسألت ببراءة بكام الدهب النهاردة؟ رد هو كمان ببراءة و قال120 بجد السعر كان زى الصاعقة لا و دا لعيار 18 أما
و 21 ب 140و 24 ب160 حاجة تجنن بعد كدا بقى مش هانقول يا دبلة الخطوبة لااااااااا دا كان زمااااان يا دوب كفاية اوى يا بريمة الخطوبة وبعدين فكرت وقلت اشمعنى الدهب هو السلعة الوحيدة اللى مالهاش سوق للسكند هاند المستعمل يعنى والجواهرجية الغاشمين هما اللى مستمتعين ومستفيدين جدا من سوق الدهب.
وفكرت و قلت لو نعمل صاغة أون لاين بمعنى أن اللى عنده دهب عايز يبيعه بدل ما يديه بيضة مقشرة للصايغ يروح يفصله ويصوره ويبعت بيانات المشغولات الدهبية بما يرضي الله و بدون غش وخداع ويوضح سبل الإتصال المظبوطة وبردوا محدش يستغل دا غلط يعنى لو فى حد من المتبرعين يقدر يكون جروب بالإسم دا ويقوم بإدارتها و تنظيمها وبخاصة ان سوق الدهب فى مودلات مش بتبطل ابدا و الصايغ بيشترى منك و يلمع الدهب او يغير فصوص و يرجع يبيعه تانى على انه جديد بأضعاف أضعاف تمن المصنعة فأحنا أولى ولو مثلا فى عروسة مقبلة على الزواج و الشبكة تعلن بردو و تقول مطلوب مودلات كذا مقاس كذا.
مش عارف هل الفكرة دى قابلة للتنفيذ والا لأ.. يا ريت أعرف رأيكم؟!!
و السلام عليكم و رحمة الله و بركاته

» برنامج لمعرفة مين اوف لاين فعال جدا - على ماسنجر الياهو